ការផ្ទេរប្រាក់តាម SBI Remit

SBI Remit គឺជាសេវាផ្ញើប្រាក់អន្តរជាតិដ៏មាន សុវត្ថិភាព ងាយស្រួល និងរហ័ស ជាមួយនឹងកម្រៃសេវាទាប ដែលផ្តល់ជូននូវដំណោះស្រាយផ្ទេរប្រាក់ដោយប្រើប្រាស់ប្រព័ន្ធ Ripple ដែលជាប្រព័ន្ធទូទាត់ប្រាក់បានភ្លាមៗ ប្តូររូបិយប័ណ្ណ និងជាបណ្តាញផ្ទេរប្រាក់។

ទំនាក់ទំនងឥឡូវនេះ
 

ព័ត៌មានលម្អិត

SBI Remit គឺជាក្រុមហ៊ុនដែលផ្តល់សេវាផ្ទេរប្រាក់អន្តរជាតិ ដែលផ្តល់ដំណោះស្រាយផ្ទេរប្រាក់ ដោយប្រើប្រព័ន្ធ Ripple ដែលជាប្រព័ន្ធទូទាត់ និងប្តូរប្រាក់តាមពេលវេលាជាក់ស្តែង (Real-Time Gross Settlement System) និងជាបណ្តាញផ្ទេរប្រាក់។ ប្រព័ន្ធនេះត្រូវបានបញ្ជូនចេញដោយប្រើប្រាស់បច្ចេកវិទ្យា Blockchain ដើម្បីធានាថា ប្រតិបត្តិការហិរញ្ញវត្ថុមានលក្ខណៈសកល សុវត្ថិភាព រហ័ស និងកម្រៃសេវាទាប។

ក្រុមហ៊ុនត្រូវបានបង្កើតឡើងតាំងពីឆ្នាំ ២០១០ ដែលមានទីស្នាក់ការកណ្តាលនៅទីក្រុងតូក្យូ ប្រទេសជប៉ុន និងមានភាគទុនពី ក្រុមហ៊ុន SBI Holding Group និង Ripple Labs Inc. ដែលមានទីតាំងនៅប្រទេសជប៉ុន។

ជាមួយសេវា SBI Remit លោកអ្នកអាចទទួលបានបទពិសោធនៃការផ្ទេរប្រាក់ដែលមានសុវត្ថិភាព ងាយស្រួល និងរហ័ស ជាមួយនឹងកម្រៃសេវាទាប។ ទឹកប្រាក់របស់លោកអ្នកនឹងត្រូវផ្ទេរដោយផ្ទាល់ទៅគណនីធនាគារផល ក្នុងពេលវេលាជាក់ស្តែង នៅពេលដែលលេខគណនី និងឈ្មោះត្រូវគ្នា។

បច្ចុប្បន្ន សេវាទទួលប្រាក់ចូលពីប្រទេសជប៉ុនមកកម្ពុជា​ តាមរយៈ SBI Remit អាចអនុវត្តបានសម្រាប់៖

  • អ្នកទទួលផលជាអតិថិជនរបស់ SBI Bank (Cambodia) ឬ 

  • អ្នកទទួលផលជាអតិថិជនរបស់ធនាគារក្នុងស្រុកផ្សេងទៀត

សម្គាល់៖

  • ប្រតិបត្តិការនឹងបញ្ជូនតាមរយៈ API ពី ប្រព័ន្ធRipple ទៅកាន់ប្រព័ន្ធ Core Banking System

  • ប្រតិបត្តិការនឹងដំណើរការតាមរយៈ API ពី ប្រព័ន្ធRipple ទៅកាន់ប្រព័ន្ធ Bakong

អត្ថប្រយោជន៍

  • សុវត្ថិភាពខ្ពស់ និងគួរឱ្យទុកចិត្ត។
  • មានភាពងាយស្រួល និងអាចប្រើប្រាស់បាន ២៤/៧។
  • មានជម្រើសទទួលប្រាក់ច្រើនយ៉ាង និងបណ្តាញទូទាំងពិភពលោក។
  • ផ្តល់ជូននូវតម្លៃសេវាផ្ញើប្រាក់ថោកសមរម្យបំផុតមួយនៅក្នុងប្រទេសជប៉ុន។
  • ជាមួយបច្ចេកវិទ្យា Ripple និងបណ្តាញផ្ទេរប្រាក់អន្តរជាតិដែលធ្វើឱ្យប្រតិបត្តិការផ្ទេរប្រាក់ត្រូវបានធ្វើឡើងយ៉ាងឆាប់រហ័ស។

  • មានផ្នែកបំរើអតិថិជនជាច្រើនភាសា រួមទាំងភាសាខ្មែរ ដែលបានផ្តល់ភាពងាយស្រួលយ៉ាងខ្លាំងសម្រាប់បងប្អូនពលករ ឬនិស្សិតខ្មែរនៅជប៉ុន។

     

កម្រៃសេវាសម្រាប់ការទទួលប្រាក់ SBI Remit

រូបិយប័ណ្ណ

ចំនួនទឹកប្រាក់

កម្រៃសេវា

ដុល្លារ

≤១០,០០០.០០ សម្រាប់បុគ្គល (ក្នុងមួយប្រតិបត្តិការ និងក្នុងមួយថ្ងៃ)             
≤ ៥០,០០០.០០  សម្រាប់ស្ថាប័ន/ក្រុមហ៊ុន (ក្នុងមួយប្រតិបត្តិការ និងក្នុងមួយថ្ងៃ)

ឥតគិតថ្លៃ

 

កំណត់ចំណាំ៖ លក្ខខណ្ឌ និងតម្លៃសេវាខាងលើ អាចមានការផ្លាស់ប្តូរតាមការសម្រេចរបស់ធនាគារ។

តើការទទួលប្រាក់ចំណាយពេលប៉ុន្មានសម្រាប់ការផ្ទេរប្រាក់ចូល?

ជាធម្មតា ប្រតិបត្តិការនេះដំណើរការតាមប្រព័ន្ធ API និងជាប្រតិបត្តិការពេលវេលាជាក់ស្តែង (Real Time)។ ប្រព័ន្ធនឹងបញ្ចូលប្រាក់ទៅគណនីដោយស្វ័យប្រវត្តិ នៅពេលដែលលេខគណនី និងឈ្មោះត្រូវគ្នា។

តើផ្ទេរប្រាក់ដោយរបៀបណា?

អ្នកផ្ទេរប្រាក់អាចធ្វើប្រតិបត្តិការតាមរយៈកម្មវិធី SBI Remit App នៅប្រទេសជប៉ុន ហើយបំពេញព័ត៌មានចាំបាច់។
ឬអាចអញ្ជើញទៅកាន់សាខាធនាគារដែលនៅជិតបំផុត ដើម្បីបំពេញព័ត៌មានចាំបាច់ក្នុងកម្មវិធី SBI Remit App។

ព័ត៌មានចាំបាច់សម្រាប់ការទទួលប្រាក់ចូលពីសេវា SBI Remit

ធនាគារ អេស ប៊ី​ អាយ​ (ខេមបូឌា) ម.ក បានទំនាក់ទំនងជាមួយ SBI Remit ដែលផ្តល់សេវាផ្ទេរប្រាក់រហ័សពីប្រទេសជប៉ុន សម្រាប់បុគ្គល និងក្រុមហ៊ុន តាមរយៈប្រព័ន្ធ API រវាង Ripple និង Core Banking System។

លោកអ្នកអាចត្រូវផ្តល់ព័ត៌មានចាំបាច់ទៅកាន់អ្នកផ្ញើប្រាក់ ដើម្បីទទួលប្រាក់ពីក្រៅប្រទេស ដូចខាងក្រោម៖

  • គណនីអ្នកទទួល: លេខគណនីរបស់លោកអ្នក 

  • ឈ្មោះអ្នកទទួល: ឈ្មោះដែលបានចុះក្នុង ធនាគារ អេស ប៊ី​ អាយ​ (ខេមបូឌា) ម.ក

  • អាសយដ្ឋានអ្នកទទួល: អាសយដ្ឋានរបស់លោកអ្នក  

  • ឈ្មោះធនាគារអ្នកទទួល: ធនាគារ អេស ប៊ី​ អាយ​ (ខេមបូឌា) ម.ក ឬធនាគារក្នុងស្រុកផ្សេងទៀត 

  • លេខកូដ Swift/BIC របស់ធនាគារអ្នកទទួល: SBHRKHPP ឬ Swift Code របស់ធនាគារផ្សេង  

  • គោលបំណងនៃការផ្ទេរ : ព័ត៌មានលម្អិតនៃការផ្ទេរ  

  • ចំនួនទឹកប្រាក់: ចំនួនទឹកប្រាក់ផ្ទេរ  

សម្រាប់ព័ត៌មានបន្ថែម

  • សូមអញ្ជើញមកកាន់សាខាដែលនៅជិតលោកអ្នកបំផុតដើម្បីជួបជាមួយបុគ្គលិករបស់យើង។
  • ទាក់ទងមកកាន់ផ្នែកបម្រើអតិថិជនសម្រាប់ព័ត៌មានបន្ថែម​ តាមហ្វេសប៊ុក និងទូរសព្ទលេខ ០២៣ ៩៨០ ៨៨៨ / ០៩៣ ៦៧១ ១១១។

លក្ខខណ្ឌផ្សេងៗ

លក្ខខណ្ឌផ្សេងៗអាចផ្លាស់ប្តូរតាមការសម្រេចចិត្តរបស់ធនាគារដោយគ្មានការជូនដំណឹងជាមុនដល់អតិថិជនឡើយ។

សេវាហិរញ្ញវត្ថុពាណិជ្ជកម្មដែលពាក់ព័ន្ធ

គណនីសន្សំឈានមុខ
គណនីសន្សំ
គណនីចរន្ដ
គណនីព្រីមៀរ៍
គណនីបញ្ញើមានកាលកំណត់
គណនីចម្រើនផែនការអនាគត
គណនីចម្រើនតាមបំណង
គណនីប្រាក់បញ្ញើផ្លើស
សេវាប្រាក់បៀវត្សរ៍
សេវាកម្មរក្សាទុក